Nytt kurs om frivillig innsats

Kyrkjestatistikken som vart offentleg i midten av mars viser 82 992 frivillige i heile kyrkja i fjor. Det er ein auke på seks prosent frå fjoråret! Men det er enno rom for fleire.

På intranettsida Kirken i tall kan du sjå utviklinga i din kommune eller ditt bispedøme.

I Bergen har kyrkjelydane fått om lag 400 fleire frivillige i løpet av fjoråret, og er dermed tilbake på same nivå som før pandemien.

Viktig med fellesskap og feiring

Irmelin Marie Brun er frivilligheitskonsulent og leiar av frivilligheitsteamet i fellesrådet. Ho trur strategisk arbeid over tid har bidrege til auken.

– Kyrkjelydane ivaretek dei frivillige gjennom fellesskap, feiringar og festar. Mange stader er det frivillige som leier andre frivillige, og det har blitt meir og meir naturleg både å teste ut nye idear og å legge ned arbeid.

– Når frivillige kjenner på fridom, fellesskap og tillit, så blir dei verande, seier Brun.

Forsking og felles fokus

I fellesrådet i Bergen er det eit eige Frivillighetsteam, som har bygd opp ei digital verktøykasse. Her har dei samla forskingsbaserte artiklar om både instrumentell og organisk frivilligheit – og samla ulike retningslinjer.

I tillegg vert Forum for frivilligheit arrangert fleire gongar i året.

– Det er eit fagforum med både foredrag om nye funn frå forskninga og samtalar om ulike dilemma som vi møter på i arbeidet, forklarer Brun.

Av og til er teamet tett på ein kyrkjelyd i ein periode etter ynskje frå sokneråd og stab, fortel Brun.

– Dette er strategiske prosessar som går over ei lenger periode, og som krev haldningsendring frå å tenke på frivillige som gratis arbeidskraft til å sjå på frivillig arbeid som ein diakonal reiskap for å gje menneske fellesskap, meiningsfylte dagar, rom for å utvikle eigne idear og ei oppleving av å bety noko for andre.

E-læringskurs: Seks steg til meir frivillig innsats

No lanserer Kyrkjerådet e-læringskurset Seks steg til mer frivillighet i kirken.

Kurset har eit todelt formål: Det er ein gaid til korleis ein kan drive frivillig arbeid på ein trygg og klok måte, steg for steg. I tillegg er kurset ei samling av materiell og gode praksisar frå mange kyrkjelydar over heile landet, samt forskningsbasert opplegg og ressursar om frivilligheit generelt og spesifikt i kyrkja.

Irmelin Marie Brun er blant dei som har vore med å utforme kurset, oppmodar alle om å ta kurset for å lære meir.

– Kurset utfordrar kyrkjelydane til å utforske kva ressursar og initiativ som finst, hos både den vante kyrkjegjengar og i lokalmiljøet. Her lærer du om frivilligheit for framtida!

Ta kurset her

Kurset er eit digitalt e-læringskurs, og ligg på kyrkja si læringsplattform. Det er gratis og ope for alle tilsette i Den norske kyrkja.

Klikk her for å ta kurset dersom du er ansatt i Den norske kirke

Klikk her for å ta kurset dersom du er frivillig, i menighetsråd eller liknende

Sjå også samlesida om frivillighet på ressursbanken.no. Her er det mange ressursar om du vil lære meir og fordjupe deg i temaet.